對不起，今日冇花生食。
今日睇我嘅病人，應該都覺得我好溫柔。因為我真係冇氣同冇心機去同佢地搏鬥。不過今日啲人都好乖，冇問我攞假紙。唔該姑娘1幫我Screen曬D症。
今日為咗母親大人，周圍問朋友專業意見。有朋友真係好！有唔同專科嘅朋友更加好！
有時做醫生有太多醫療知識都未必係好事。最好同最壞嘅結果，零點1秒，都會擁晒入你個腦。有時都幾羨慕作為一個平凡人，懵懵地，個醫生話咩就咩， 100%信晒都幾好。當然依家上網搜尋好簡單，但係未必個個都識睇Paper，識搵 evidence-based journal 研究。但係你啲屋企人，就會靠你去俾分析，俾意見。都咪話冇壓力。
多謝死黨幫我睇片，幫我搵Journal，幫我搵最新嘅Evidence，幫我搭上搭搵其他同事問意見。多謝比加超醫生連片都未睇，俾我喺電話係咁煩，係WhatsApp問10萬次。多謝同事們聽我發牢騷。
Search